لا تنسي اننا نحتاج لمصاريف زيادة فالمدارس علي الأبواب
نطقت زوجتي العبارة باسلوب جاف ووجه اعتدت منذ زمن أن اراه مكفهراً
اتمتم : فرج الله قريب
تصرخ في وجهي : هذا ما نأخذه منك
انسحب من أمامها مطأطأ الرأس بعدما أوغرت صدري .. احمل بضاعتي علي كتفي استعداداً ليوم جديد .. أبدأ في تنسيق البضاعة وعقلي مشغول بشىء واحد : كيف أوفر لها المال المطلوب؟
يحدثني زميلي الواقف بجواري ولا أسمع ما يقول .. فجأة يلملم اشياءه ويهرع أمامي فأنتبه علي كلمة "البلدية" .. اتحول إلي آلة لحزم بضاعتي عندما تلتقط أذني السارينة المشئومة ..
أبدأ في الركض .. تنزلق قدمي ومن فوقي البضاعة
يتراءى لي وجه زوجتي وقولها المأثور : قليل البخت يلاقي ... !!!ا
20 comments:
العضم فى الكرشة / ومرة اخرى مع كلمات جميلة من خيال بنت الشرقية / لكم هو جميل الاسلوب
ابو ادهم
*********
اشكرك يا استاذي مرتين الاولي لانك الذي شجعتني علي ان اعمل بلوجر، والثانية علي كلماتك المشجعة لي دائما
لسان حال معظم المصريين
البلدية يا لها من اسم يأخذ اموال الناس الغلابة اللي فارشين علي الأرصفة عايزن لقمة العيش بحلال.
بس محدش سايب حد في حاله لكي الله يا مصر
داليا.. "البلدية..البلدية" عفريت يطارد كل الناس الغلبانه إللي عايزة تعيش فقط مش طمعانه في أكتر من كدة.. ربنا يكرمهم ويبعد عنهم البلدية.
محمود
*****
اوافقك الرأي
كريم
****
نعم يا كريم لنا الله
داليا
*****
يا رب يا داليا ربنا يكرمهم ان شاء الله
كلمات قليلة ذات معاني كثيرة تحمل في طياتها الكثير مما يعانيه الكثير من بقيايا شبابنا ربنا يعنيهم ويتكفل بيهم ويعينهم على قضاء حوائجهم ويهدي لهم نسائهم
قلوب حائرة
***********
اشكرك يا بدورة وربنا يستجيب اللهم امين
شيري الجميل
بجد قصة جميلة وأسلوب جميل.
لكن اعتقد انها كانت ممكن تطول عن كده.
وبالمرة اقولك على أخر تطوير على مثل قليل البخت، بيقولها دلوقتي، "قليل البخت يلاقي العضم في البيتزا"
وسلاااااااااااام يا شيري يا حبيبتي
لولا
******
اشكرك يا لولا علي التعليق عموما كل قصصي ممكن تطول اكتر من كده لكن كانوا دايما يقولوا لنا القصة القصيرة تعتمد علي التكثيف واتعودت علي كده او ممكن تقولي كسل مش عارفة
جميل قوي المثل بتاع البيتزا علي فكرة اول مرة اعرفه منك / شكرا يا حبيبي علي الاضافة
جميلة معجونة بمعاناة يومية , وهموم حياتية , تصدر ليس فقط عن أديبة , لكن أيضا عن ناقدة اجتماعية قديرة . تحياتي لكي
اشرف
*****
صديقي العزيز اهلا بك علي مدونتي واشكرك علي كلماتك الرقيقة جدا
تحياتي وسلامي
فرشة بضاعه على رصيف على جانب الشارع
دى بقت اغلب حياة شبابنا للاسف و يا ريت البلديه سايباهم فى حالهم
تحياتى على كلماتك البسيطه المعبره عن حال محزن
اول زيارة لمدونتك الرائعه
وليست الاخيره بأذن الله
موضعك بيفكرنى بحال معظم المصريين
الغلابه اللى بيقفوا يومهم كله
عشان يوفروا لقمه يأكلوها لأولادهم
وفى الاخر تيجى البلديه وتاخد منهم
كل حاجه
مبيلحقوش حتى يفرحوا بالكام قرش اللى جمعوهم فى اليوم المشئوم ده
ربنا يرزقهم
whyme
******
اهلا بك علي مدونتي واشكرك علي تعليقك / هذا حال معظم المصريين / لنا الله
7aga-3ageba
**************
اهلا بك صديقة علي مدونتي واشكرك علي كلماتك الرقيقة
شرين
....
المسألة مش مسألة قليل البخت
المسألة بدون فلسفة من سموي هي ان الفقير في بلدنا وكمان اللي ملهوش ضهر زي ما يكون رجليه مغروسة في بحر رمال متحرك
كل ما يبص لفوق او يحلم شوية ينسحب لتحت..وشوية بشوية لحد ما يغيب خالص لاجل الغني او صاحب النفوذ يعبر علي رأسه ورؤس امثاله من المعدمين
وهل جعل قانون العقوبات الا للضعفاء
لكي ينعم السادة
وبعدين بالله عليك لما تكوني راكبة عربية تمنها مليون جنيه وتمري في ميدان وتشوفي واحد غلبان فارش ببضاعة علي الرصيف مش دي حاجة تأذي عنيك وتشوه جمال مصر
تحياتي
ويجعلوعاااااااااااااااااااااااامر
إنه قهر الحياة ...
وما أقسي أن يقهر الرجل ...
تكسر كرامته في بيته من زوجته .. وتداس كرامته من اجل لقمة العيش ..
ينفطر قلبه حينما يري نظرات ابناءة تشتهي شيئاً لا يستطيع الحصول عليه ...
آآآآآه كم أنت معذب أيها الإنسان..
وصدق من قال القناعة كنز لا يفني.
ممتاز يا شيرين .. أكثر من رائع
هاني ضوَّه
سمسم
*****
العنوان مقتبس من المثل الذي تقوله له زوجته دائما وليس لقلة بخت حقيقية انما الاوضاع التي تفرضها الظروف عليه
اتفق معك طبعا في فلسفتك يا سمسم
تحياتي لك
هاني
*****
نعم وما أقسي أن يقهر الرجل وتكسر كرامته في بيته من زوجته .. وتداس كرامته من اجل لقمة العيش
لنا الله
Post a Comment